وَالشَّمسِ وَضُحىٰها (آيت : 1) |
قسم آهي سج جو ۽ان جي روشنيءَ جو . |
وَالقَمَرِ إِذا تَلىٰها (آيت : 2) |
۽ چنڊ جو جڏهن ان جي پويان اچي . |
وَالنَّهارِ إِذا جَلّىٰها (آيت : 3) |
۽ ڏينهن جو جڏهن ان کي روشن ڪري . |
وَالَّيلِ إِذا يَغشىٰها (آيت : 4) |
۽ رات جو جڏهن ان تي ڇائنجي وڃي . |
وَالسَّماءِ وَما بَنىٰها (آيت : 5) |
۽ آسمان جو ۽ ان جو جنهن ان کي ٺاهيو . |
وَالأَرضِ وَما طَحىٰها (آيت : 6) |
۽ زمين جو ۽ ان جو جنهن ان کي پکيڙيو . |
وَنَفسٍ وَما سَوّىٰها (آيت : 7) |
۽ نفس جو ۽ جنهن ان کي برابر بنايو . |
فَأَلهَمَها فُجورَها وَتَقوىٰها (آيت : 8) |
۽ پوءِ الهام ڪيائين ان کي ان جي برائي ۽ ان جي تقوى . |
قَد أَفلَحَ مَن زَكّىٰها (آيت : 9) |
تحقيق ڪامياب ٿيو جنهن ان کي صاف ڪيو . |
وَقَد خابَ مَن دَسّىٰها (آيت : 10) |
۽ تحقيق نقصان وارو ٿيو جنهن ان کي گناهن ۾ پوري ڇڏيو . |
كَذَّبَت ثَمودُ بِطَغوىٰها (آيت : 11) |
ڪوڙو چيو ثمود پنهنجي سرڪشيءَ جي ڪري . |
إِذِ انبَعَثَ أَشقىٰها (آيت : 12) |
جڏهن اٿيو وڏو بدبخت انهن مان . |
فَقالَ لَهُم رَسولُ اللَّهِ ناقَةَ اللَّهِ وَسُقيٰها (آيت : 13) |
پوءِ چيو انهن کي الله جي رسول ته الله جي ڏاچيءَ ۽ ان جي پاڻي پيئڻ کي آڏو نه ٿيو . |
فَكَذَّبوهُ فَعَقَروها فَدَمدَمَ عَلَيهِم رَبُّهُم بِذَنبِهِم فَسَوّىٰها (آيت : 14) |
پوءِ ان کي ڪوڙو چيائيون پوءِ ان (ڏاچيءَ) جون ٽنگون وڍيائون پوءِ پلٽيو انهن تي سندن رب (عذاب) سندن گناهن جي ڪري پوءِ انهن کي برابر ڪيائين . |
وَلا يَخافُ عُقبٰها (آيت : 15) |
۽ نه ٿو خوف رکي ان جي انجام جو. |