منهن مبارڪ ۾ گهنڊ وڌائين ۽ منهن موڙيائين .

هن جي ڪري جو آيو ان وٽ نابينا .

۽ ڪنهن سمجهايو توکي ته شايد اهو صاف ٿئي .

يا نصيحت وٺي پوءِ نفعو ڏئي ان کي نصيحت .

پر جنهن بي پرواهي ڏيکاري .

پوءِ تون ان لاءِ متوجہ رهين ٿو .

۽ ناهي تو تي (ڪو ذمو) هي جو نه ٿوصاف ٿئي .

۽ پر جيڪو آيو تو وٽ ڊوڙندي .

۽ اهو ڊڄي پيو .

پوءِ تون ان کان بي خيال رهين ٿو .

هرگز نه بيشڪ اها نصيحت آهي .

پوءِ جيڪو گهري ته ان کي ياد ڪري .

عزت وارن صحيفن ۾ .

بلند پاڪ .

لکندڙن، عزت وارن .

نيڪو ڪارن جي هٿن سان .

هلاڪ ڪيو ويو انسان ڪهڙو نه بي شڪر آهي .

ڪهڙي شيءِ مان ان کي پيدا فرمايائين؟ .

مني جي ڦڙي مان ان کي پيدا ڪيائين پوءِ ان کي اندازي سان رکيائين .

ان کان پوءِ ان جي لاءِ رستو آسان ڪيائين .

ان کان پوءِ ان کي ماريائين پوءِ ان کي قبر ۾ آندائين .

ان کان پوءِ جڏهن گهرندو ته ان کي ٻاهر ڪڍندو .

هرگز نه اڃان پورو نه ڪيائين جيڪو ان کي امر ڪيائين .

پوءِ گهرجي ته ڏسي انسان پنهنجي طعام ڏانهن .

بيشڪ اسان وسايو پاڻيءَ کي وسائڻ .

ان کان پوءِ چيريو اسان زمين کي چيرڻ .

پوءِ ڄمايوسون ان ۾ اناج .

۽ انگور ۽ ترڪاريون .

۽ زيتون ۽ کجيون .

۽ باغ گهاٽا .

۽ ميوا ۽ گاهه .

اوهان ۽ اوهان جي چوپاين جي فائدي لاءِ .

پوءِ جنهن وقت ايندو ڪن ٻوڙا ڪندڙ .

آواز ان ڏينهن ڀڄندو مڙس پنهنجي ڀاءُ کان .

۽ پنهنجي ماءَ ۽ پنهنجي پيءُ کان .

۽ پنهنجي زال کان ۽ پنهنجن پٽن کان .

هر مڙس جي لاءِ انهن مان ان ڏينهن مشغولي هوندي جو ان لاءِ ڪافي هوندي .

ڪيترا منهن ان ڏينهن چمڪندڙ .

کلندڙ، خوش ٿيندڙ هوندا .

۽ ڪيترا منهن ان ڏينهن انهن تي غبار هوندو .

ڇائنجي ويندي انهن تي ڪارنهن .

اهيئي ڪافر فاجر آهن .