| وَالمُرسَلٰتِ عُرفًا (آيت : 1) |
|
چڱين گُھلندڙن ھيرُن جو قسم آھي. |
| فَالعٰصِفٰتِ عَصفًا (آيت : 2) |
|
پوءِ زور سان لڳڻ وارن وائن جو قسم آھي. |
| وَالنّٰشِرٰتِ نَشرًا (آيت : 3) |
|
۽ (ڪڪرن کي) کڻندڙن پکيڙيندڙن وائن جو قسم آھي. |
| فَالفٰرِقٰتِ فَرقًا (آيت : 4) |
|
پوءِ (ڪڪرن کي) ھڪ ٻئي کان جدا ڪندڙ وائن جو قسم آھي. |
| فَالمُلقِيٰتِ ذِكرًا (آيت : 5) |
|
پوءِ وحي آڻيندڙن ملائڪن جو قسم آھي. |
| عُذرًا أَو نُذرًا (آيت : 6) |
|
(جي) عذر وڃائڻ لاءِ يا ڊيڄارڻ لاءِ (وحي) آڻيندا آھن. |
| إِنَّما توعَدونَ لَوٰقِعٌ (آيت : 7) |
|
ته بيشڪ جنھن (ڳالھ) جو اوھان کي انجام ڏجي ٿو سا ضرور ٿيڻي آھي. |
| فَإِذَا النُّجومُ طُمِسَت (آيت : 8) |
|
پوءِ جڏھن تارا ميٽي ڇڏبا. |
| وَإِذَا السَّماءُ فُرِجَت (آيت : 9) |
|
۽ جڏھن آسمان چيربو. |
| وَإِذَا الجِبالُ نُسِفَت (آيت : 10) |
|
۽ جڏھن جبل اڏائبا. |
| وَإِذَا الرُّسُلُ أُقِّتَت (آيت : 11) |
|
۽ جڏھن پيغمبر (ٺھرايل وقت تي) گڏ ڪبا. |
| لِأَىِّ يَومٍ أُجِّلَت (آيت : 12) |
|
(تڏھن ثابت ٿيندو ته پيغمبرن کي) ڪھڙي ڏينھن لاءِ ترسايو ويو. |
| لِيَومِ الفَصلِ (آيت : 13) |
|
فيصلي جي ڏينھن لاءِ. |
| وَما أَدرىٰكَ ما يَومُ الفَصلِ (آيت : 14) |
|
۽ توکي ڪھڙي شيءَ ڄاڻايو ته فيصلو جو ڏينھن ڇا آھي. |
| وَيلٌ يَومَئِذٍ لِلمُكَذِّبينَ (آيت : 15) |
|
اُن ڏينھن ڪوڙ ڀائيندڙن لاءِ خرابي آھي. |
| أَلَم نُهلِكِ الأَوَّلينَ (آيت : 16) |
|
پھرين کي ھلاڪ نه ڪيو اٿون ڇا؟ |
| ثُمَّ نُتبِعُهُمُ الءاخِرينَ (آيت : 17) |
|
وري (اُن کانپوءِ) پوين کي انھن جي پٺيان آڻيندا آھيون. |
| كَذٰلِكَ نَفعَلُ بِالمُجرِمينَ (آيت : 18) |
|
ائين ڏوھارين سان ڪندا آھيون. |
| وَيلٌ يَومَئِذٍ لِلمُكَذِّبينَ (آيت : 19) |
|
اُن ڏينھن ڪوڙ ڀائيندڙن لاءِ خرابي آھي. |
| أَلَم نَخلُقكُم مِن ماءٍ مَهينٍ (آيت : 20) |
|
اوھان کي خسيس پاڻي مان نه بڻايو اٿون ڇا؟ |
| فَجَعَلنٰهُ فى قَرارٍ مَكينٍ (آيت : 21) |
|
پوءِ اُن کي ھڪ پختي ھنڌ ۾ رکيوسون. |
| إِلىٰ قَدَرٍ مَعلومٍ (آيت : 22) |
|
ھڪ مُقرّر وقت تائين. |
| فَقَدَرنا فَنِعمَ القٰدِرونَ (آيت : 23) |
|
پوءِ (بڻاوت ۾) پورو ڪيوسون جو (اسين) چڱي سگھ وارا آھيون. |
| وَيلٌ يَومَئِذٍ لِلمُكَذِّبينَ (آيت : 24) |
|
اُن ڏينھن ڪوڙ ڀائيندڙن لاءِ خرابي آھي. |
| أَلَم نَجعَلِ الأَرضَ كِفاتًا (آيت : 25) |
|
زمين کي ماپائڻ واري نه ڪئي اٿون ڇا؟ |
| أَحياءً وَأَموٰتًا (آيت : 26) |
|
(جو) جيئرن ۽ مُئن کي (ماپائي). |
| وَجَعَلنا فيها رَوٰسِىَ شٰمِخٰتٍ وَأَسقَينٰكُم ماءً فُراتًا (آيت : 27) |
|
۽ زمين ۾ اُچا جبل ڪياسون ۽ اوھان کي مٺو پاڻي پياريوسون. |
| وَيلٌ يَومَئِذٍ لِلمُكَذِّبينَ (آيت : 28) |
|
اُن ڏينھن ڪوڙ ڀائيندڙن لاءِ خرابي آھي. |
| انطَلِقوا إِلىٰ ما كُنتُم بِهِ تُكَذِّبونَ (آيت : 29) |
|
(چيو ويندو ته ھاڻي) جنھن (دوزخ) کي اوھين ڪوڙ ڀائيندا ھوا تنھن ڏانھن وڃو. |
| انطَلِقوا إِلىٰ ظِلٍّ ذى ثَلٰثِ شُعَبٍ (آيت : 30) |
|
(چئبن ته) ٽن شاخن واريءَ ڇانوَ ڏانھن وڃو. |
| لا ظَليلٍ وَلا يُغنى مِنَ اللَّهَبِ (آيت : 31) |
|
نه ٿڌي ڇانوَ ھوندي ۽ نه (باھ جي) توَ کان توکي بچائيندي. |
| إِنَّها تَرمى بِشَرَرٍ كَالقَصرِ (آيت : 32) |
|
بيشڪ اُھا (باھ) ماڙيءَ جيڏيون چڻنگون اڇليندي آھي. |
| كَأَنَّهُ جِمٰلَتٌ صُفرٌ (آيت : 33) |
|
ڄڻ ته اُھي ھيڊا اُٺ آھن. |
| وَيلٌ يَومَئِذٍ لِلمُكَذِّبينَ (آيت : 34) |
|
اُن ڏينھن ڪوڙ ڀائيندڙن لاءِ خرابي آھي. |
| هٰذا يَومُ لا يَنطِقونَ (آيت : 35) |
|
اُھو ڏينھن اُھو آھي جنھن ۾ نه ڳالھائيندا. |
| وَلا يُؤذَنُ لَهُم فَيَعتَذِرونَ (آيت : 36) |
|
۽ نڪي کين موڪل ڏبي ته (ڪو) عذر (بيان) ڪن. |
| وَيلٌ يَومَئِذٍ لِلمُكَذِّبينَ (آيت : 37) |
|
اُن ڏينھن ڪوڙ ڀائيندڙن لاءِ خرابي آھي. |
| هٰذا يَومُ الفَصلِ جَمَعنٰكُم وَالأَوَّلينَ (آيت : 38) |
|
ھيءُ فيصلي جو ڏينھن آھي، اوھان کي ۽ اڳين کي گڏ ڪيوسون. |
| فَإِن كانَ لَكُم كَيدٌ فَكيدونِ (آيت : 39) |
|
پوءِ جيڪڏھن اوھان کي بڇڙي رِٿ ڪرڻي آھي ته منھنجي حق ۾ رٿيو. |
| وَيلٌ يَومَئِذٍ لِلمُكَذِّبينَ (آيت : 40) |
|
اُن ڏينھن ڪوڙ ڀائيندڙن لاءِ خرابي آھي. |
| إِنَّ المُتَّقينَ فى ظِلٰلٍ وَعُيونٍ (آيت : 41) |
|
بيشڪ پرھيزگار ڇانوَن ۽ چشمن ۾ ھوندا. |
| وَفَوٰكِهَ مِمّا يَشتَهونَ (آيت : 42) |
|
۽ جنھن جنس مان گھرندا (تنھن جنس جي) ميون ۾ ھوندا. |
| كُلوا وَاشرَبوا هَنيـًٔا بِما كُنتُم تَعمَلونَ (آيت : 43) |
|
(چئبن ته) چڱا ڪم ڪندا ھئو تنھنڪري خوش ٿي کائو ۽ پيئو. |
| إِنّا كَذٰلِكَ نَجزِى المُحسِنينَ (آيت : 44) |
|
بيشڪ اسين نيڪن کي ائين بدلو ڏيندا آھيون. |
| وَيلٌ يَومَئِذٍ لِلمُكَذِّبينَ (آيت : 45) |
|
اُن ڏينھن ڪوڙ ڀائيندڙن لاءِ خرابي آھي. |
| كُلوا وَتَمَتَّعوا قَليلًا إِنَّكُم مُجرِمونَ (آيت : 46) |
|
(اي ڪوڙ ڀائيندڙؤ دنيا ۾) ٿوري دير کائي وٺو ۽ آسودا رھو بيشڪ اوھين ڏوھاري آھيو. |
| وَيلٌ يَومَئِذٍ لِلمُكَذِّبينَ (آيت : 47) |
|
اُن ڏينھن ڪوڙ ڀائيندڙن لاءِ خرابي آھي. |
| وَإِذا قيلَ لَهُمُ اركَعوا لا يَركَعونَ (آيت : 48) |
|
۽ جڏھن کين چئجي ته نماز پڙھو (ته) نماز نه پڙھندا آھن. |
| وَيلٌ يَومَئِذٍ لِلمُكَذِّبينَ (آيت : 49) |
|
اُن ڏينھن ڪوڙ ڀائيندڙن لاءِ خرابي آھي. |
| فَبِأَىِّ حَديثٍ بَعدَهُ يُؤمِنونَ (آيت : 50) |
|
پوءِ اُن (قرآن) کانپوءِ ڪھڙي ڳالھ تي ويساھ رکندا. |