| يٰأَيُّهَا النَّبِىُّ لِمَ تُحَرِّمُ ما أَحَلَّ اللَّهُ لَكَ تَبتَغى مَرضاتَ أَزوٰجِكَ وَاللَّهُ غَفورٌ رَحيمٌ (آيت : 1) |
|
اي نبي ڪريم توهان (پاڻ تي) اهي شيون ڇو ٿا حرام ڪريو جيڪي الله تعالى توهان لاءِ حلال ڪيون آهن، توهان پنهنجي گھر وارين جو رضامندو طلب ڪريو ٿا. ۽ الله بخشيندڙ ٻاجھارو آهي |
| قَد فَرَضَ اللَّهُ لَكُم تَحِلَّةَ أَيمٰنِكُم وَاللَّهُ مَولىٰكُم وَهُوَ العَليمُ الحَكيمُ (آيت : 2) |
|
تحقيق الله تعالى توهان لاءِ توهان جي کنيل قسمن جو ڪفارو مقرر ڪيو آهي، ۽ الله توهان جو مددگار آهي، ۽ اهو صاحبِ علم و حڪمت آهي |
| وَإِذ أَسَرَّ النَّبِىُّ إِلىٰ بَعضِ أَزوٰجِهِ حَديثًا فَلَمّا نَبَّأَت بِهِ وَأَظهَرَهُ اللَّهُ عَلَيهِ عَرَّفَ بَعضَهُ وَأَعرَضَ عَن بَعضٍ فَلَمّا نَبَّأَها بِهِ قالَت مَن أَنبَأَكَ هٰذا قالَ نَبَّأَنِىَ العَليمُ الخَبيرُ (آيت : 3) |
|
۽ جنهن وقت رسولِ عربي پنهنجي هڪ بيبي کي هڪ راز واري ڳالهه بيان ڪئي، پوءِ جڏهن ان بيبي اُها ڳالهه ٻي بيبي کي ٻڌائي ۽ الله اُها ڳالهه رسولِ عربي تي ظاهر ڪئي ته پاڻ ڪريمن ڪجھه ڳالهه بيان فرمائي ۽ ڪجھه تي خاموشي اختيار ڪئي، پوءِ جڏهن پاڻ ڪريمن اها ڳالهه پنهنجي بيبي کي چئي بيبي عرض ڪيو ته توهان کي اها ڳالهه ڪنهن ٻڌائي؟ رسولِ عربي فرمايو، مون کي اها ڳالهه الله تعالى ٻڌائي آهي |
| إِن تَتوبا إِلَى اللَّهِ فَقَد صَغَت قُلوبُكُما وَإِن تَظٰهَرا عَلَيهِ فَإِنَّ اللَّهَ هُوَ مَولىٰهُ وَجِبريلُ وَصٰلِحُ المُؤمِنينَ وَالمَلٰئِكَةُ بَعدَ ذٰلِكَ ظَهيرٌ (آيت : 4) |
|
جيڪڏهن توهان ٻئي الله ڏانهن رجوع ٿينديون، پوءِ بيشڪ توهان جون دليون مائل ٿينديون. ۽ جيڪڏهن (بالفرض) توهان ٻئي ان سان تعاون نه ٿيون ڪريو، پوءِ بيشڪ الله تعالى پنهنجي حبيب جو مددگار آهي ۽ جبريل امين ۽ صالح مؤمن ۽ ان کان پوءِ ملائڪ به ان جا مددگار آهن |
| عَسىٰ رَبُّهُ إِن طَلَّقَكُنَّ أَن يُبدِلَهُ أَزوٰجًا خَيرًا مِنكُنَّ مُسلِمٰتٍ مُؤمِنٰتٍ قٰنِتٰتٍ تٰئِبٰتٍ عٰبِدٰتٍ سٰئِحٰتٍ ثَيِّبٰتٍ وَأَبكارًا (آيت : 5) |
|
۽ جيڪڏهن اهو توهان کي طلاق ڏي پوءِ عنقريب ان کي سندس رب توهان جي عيوض توهان کان بهتر گھر واريون ڏيندو، جيڪي اطاعت ڪندڙ هونديون، مؤمن هونديون، فرمانبردار هونديون، تائب ٿيندڙ هونديون، عبادت ڪندڙ هونديون، روزا رکندڙ هونديون، شادي شده هونديون يا غير شادي شده هونديون |
| يٰأَيُّهَا الَّذينَ ءامَنوا قوا أَنفُسَكُم وَأَهليكُم نارًا وَقودُهَا النّاسُ وَالحِجارَةُ عَلَيها مَلٰئِكَةٌ غِلاظٌ شِدادٌ لا يَعصونَ اللَّهَ ما أَمَرَهُم وَيَفعَلونَ ما يُؤمَرونَ (آيت : 6) |
|
اي مؤمنو ! توهان پنهنجي وجودن کي ۽ پنهنجي اهل کي ان باه کان بچايو جنهن جو ٻارڻ ماڻهو ۽ پٿر (بت) هوندا. ان باه تي بيحد سخت ملائڪ مقرر هوندا جيڪي الله جي حڪم جي بي فرماني نٿا ڪن ۽ اهي حڪم مطابق ڪم ڪن ٿا |
| يٰأَيُّهَا الَّذينَ كَفَروا لا تَعتَذِرُوا اليَومَ إِنَّما تُجزَونَ ما كُنتُم تَعمَلونَ (آيت : 7) |
|
اي ڪافرو ! توهان اڄ ڏينهن عذر پيش نه ڪريو، توهان کي توهان جي عملن مطابق جزا ڏني ويندي |
| يٰأَيُّهَا الَّذينَ ءامَنوا توبوا إِلَى اللَّهِ تَوبَةً نَصوحًا عَسىٰ رَبُّكُم أَن يُكَفِّرَ عَنكُم سَيِّـٔاتِكُم وَيُدخِلَكُم جَنّٰتٍ تَجرى مِن تَحتِهَا الأَنهٰرُ يَومَ لا يُخزِى اللَّهُ النَّبِىَّ وَالَّذينَ ءامَنوا مَعَهُ نورُهُم يَسعىٰ بَينَ أَيديهِم وَبِأَيمٰنِهِم يَقولونَ رَبَّنا أَتمِم لَنا نورَنا وَاغفِر لَنا إِنَّكَ عَلىٰ كُلِّ شَيءٍ قَديرٌ (آيت : 8) |
|
اي مؤمنو ! توهان الله جي دربارِ اقدس ۾ سچي دل سان توبه تائب ٿيو، عنقريب توهان جو رب توهان تان توهان جا ڪيل گناه معاف فرمائيندو ۽ توهان کي باغن ۾ داخل ڪندو جن جي هيٺان نهرون وهن ٿيون، ان ڏينهن الله تعالى رسولِ عربي ۽ انهن مؤمنن کي عزت ۽ وقار بخشيندو جيڪي ان سان گڏ هوندا، انهن جو نور انهن جي اڳيان ۽ انهن جي ساڄي پاسي تيزيءَ سان هلندو، اهي چوندا اي اسان جا رب اسان لاءِ تون اسان جي نور کي مڪمل ڪر ۽ تون اسان کي بخش ڪر، بيشڪ تون هر شيءِ تي قادر آهين |
| يٰأَيُّهَا النَّبِىُّ جٰهِدِ الكُفّارَ وَالمُنٰفِقينَ وَاغلُظ عَلَيهِم وَمَأوىٰهُم جَهَنَّمُ وَبِئسَ المَصيرُ (آيت : 9) |
|
اي رسولِ عربي توهان ڪافرن ۽ منافقن سان جهاد ڪريو ۽ توهان انهن تي سختي ڪريو، ۽ انهن جي جاءِ جهنم آهي، ۽ تمام خراب آهي جاءِ موٽڻ جي |
| ضَرَبَ اللَّهُ مَثَلًا لِلَّذينَ كَفَرُوا امرَأَتَ نوحٍ وَامرَأَتَ لوطٍ كانَتا تَحتَ عَبدَينِ مِن عِبادِنا صٰلِحَينِ فَخانَتاهُما فَلَم يُغنِيا عَنهُما مِنَ اللَّهِ شَيـًٔا وَقيلَ ادخُلَا النّارَ مَعَ الدّٰخِلينَ (آيت : 10) |
|
الله تعالى ڪافرن جو مثال بيان ڪيو (پيغمبر) نوح جي گھر واري ۽ (پيغمبر) لوط جي گهر واريءَ جو، اهي ٻَئي اسان جي صالح ٻانهن مان ٻن ٻانهن جي نڪاح هيٺ هُيون، پوءِ انهن ٻنهي ڪفر ڪيو پوءِ اُهي ٻئي انهن ٻنهي عورتن تان الله جي دربار مان ڪا شيءِ دفع ڪري نه سگھيا ۽ حڪم ڪيو ويو ته توهان ٻئي عورتون جهنم ۾ داخل ٿيندڙن سان گڏ داخل ٿيو |
| وَضَرَبَ اللَّهُ مَثَلًا لِلَّذينَ ءامَنُوا امرَأَتَ فِرعَونَ إِذ قالَت رَبِّ ابنِ لى عِندَكَ بَيتًا فِى الجَنَّةِ وَنَجِّنى مِن فِرعَونَ وَعَمَلِهِ وَنَجِّنى مِنَ القَومِ الظّٰلِمينَ (آيت : 11) |
|
۽ الله تعالى مؤمنن جو مثال بيان ڪري ٿو، فرعون جي گھر واري جو، جڏهن ان چيو اي منهنجا رب تون منهنجي لاءِ پاڻ وٽ جنت ۾ گھر تيار ڪر ۽ تون مون کي فرعون ۽ ان جي عمل کان نجات ڏي ۽ تون مون کي ظالمن جي قوم مان نجات ڏي |
| وَمَريَمَ ابنَتَ عِمرٰنَ الَّتى أَحصَنَت فَرجَها فَنَفَخنا فيهِ مِن روحِنا وَصَدَّقَت بِكَلِمٰتِ رَبِّها وَكُتُبِهِ وَكانَت مِنَ القٰنِتينَ (آيت : 12) |
|
۽ (بيبي) مريم ڌيءَ (حضرت) عمران جي جيڪا پاڪدامن عورت هئي، پوءِ اسان ان ۾ پنهنجي طرفان روح ڦوڪيو ۽ ان پنهنجي رب جي احڪامن جي ۽ ڪتابن جي تصديق ڪئي ۽ پاڻ فرمانبردارن مان هئي |