| إِذا وَقَعَتِ الواقِعَةُ (آيت : 1) |
|
جڏھن قيامت ايندي. |
| لَيسَ لِوَقعَتِها كاذِبَةٌ (آيت : 2) |
|
جنھنجي اچڻ ۾ ڪو ڪوڙ نه آھي. |
| خافِضَةٌ رافِعَةٌ (آيت : 3) |
|
ڪن کي جھڪي ڪرڻ واري ۽ ڪن کي مٿاھين ڪرڻ واري. |
| إِذا رُجَّتِ الأَرضُ رَجًّا (آيت : 4) |
|
جڏھن زمين سخت ڌوڏبي. |
| وَبُسَّتِ الجِبالُ بَسًّا (آيت : 5) |
|
۽ جبل پوري طرح ڀڃي پڻي ڪيا ويندا. |
| فَكانَت هَباءً مُنبَثًّا (آيت : 6) |
|
پوءِ اُڏاريل دُز وانگر ٿيندا. |
| وَكُنتُم أَزوٰجًا ثَلٰثَةً (آيت : 7) |
|
۽ اوھين تڏھن ٽي ٽوليون ٿيندؤ. |
| فَأَصحٰبُ المَيمَنَةِ ما أَصحٰبُ المَيمَنَةِ (آيت : 8) |
|
پوءِ سڄي پاسي وارا، سڄي پاسي وارا ڪھڙا ته چڱا ھوندا. |
| وَأَصحٰبُ المَشـَٔمَةِ ما أَصحٰبُ المَشـَٔمَةِ (آيت : 9) |
|
۽ کٻي پاسي وارا، کٻي پاسي وارا ڪھڙا (ته) بدحال ھوندا؟ |
| وَالسّٰبِقونَ السّٰبِقونَ (آيت : 10) |
|
۽ (چڱاين ۾) اڳرائي ڪرڻ وارا اڳي ٿيڻ وارا. |
| أُولٰئِكَ المُقَرَّبونَ (آيت : 11) |
|
اھي (ئي) مقرب آھن. |
| فى جَنّٰتِ النَّعيمِ (آيت : 12) |
|
نعمتن وارن باغن ۾ ھوندا. |
| ثُلَّةٌ مِنَ الأَوَّلينَ (آيت : 13) |
|
گھڻا پھرين مان. |
| وَقَليلٌ مِنَ الءاخِرينَ (آيت : 14) |
|
۽ ٿورا پوين مان. |
| عَلىٰ سُرُرٍ مَوضونَةٍ (آيت : 15) |
|
(سون سان) اُڻيل تخت تي. |
| مُتَّكِـٔينَ عَلَيها مُتَقٰبِلينَ (آيت : 16) |
|
ھڪ ٻئي جي آمھون سامھون ٿي مٿن ٽيڪ ڏئي ويٺل ھوندا. |
| يَطوفُ عَلَيهِم وِلدٰنٌ مُخَلَّدونَ (آيت : 17) |
|
ھميشه رھڻ وارا نينگر وٽن پيا ايندا ويندا. |
| بِأَكوابٍ وَأَباريقَ وَكَأسٍ مِن مَعينٍ (آيت : 18) |
|
آبخورن ۽ ڪوزن سان ۽ وھندڙ شراب مان (ڀريل) پيالا (آڻيندن). |
| لا يُصَدَّعونَ عَنها وَلا يُنزِفونَ (آيت : 19) |
|
(اھڙو صاف) جنھن کان نڪي مٿي ۾ سور پوندن ۽ نڪي بيھوش ھوندا. |
| وَفٰكِهَةٍ مِمّا يَتَخَيَّرونَ (آيت : 20) |
|
۽ (پڻ ھر جنس جو) ميوو جتان وڻندن. |
| وَلَحمِ طَيرٍ مِمّا يَشتَهونَ (آيت : 21) |
|
۽ پکين جو گوشت جنھن قسم مان (پيو) گھرين. |
| وَحورٌ عينٌ (آيت : 22) |
|
۽ وڏين اکين وارون حورون. |
| كَأَمثٰلِ اللُّؤلُؤِ المَكنونِ (آيت : 23) |
|
(ڄڻڪ) ڍڪيل موتين جھڙيون. |
| جَزاءً بِما كانوا يَعمَلونَ (آيت : 24) |
|
جيڪي ڪمايو ھوائون تنھنجي بدلي ۾. |
| لا يَسمَعونَ فيها لَغوًا وَلا تَأثيمًا (آيت : 25) |
|
اتي نڪا اجائي بَڪ نڪا گناھ جھڙي ڳالھ ٻڌندا. |
| إِلّا قيلًا سَلٰمًا سَلٰمًا (آيت : 26) |
|
پر ھر ڪو سلام سلام پيو چوندو. |
| وَأَصحٰبُ اليَمينِ ما أَصحٰبُ اليَمينِ (آيت : 27) |
|
۽ سڄي پاسي وارا، سڄي پاسي وارا ڪھڙي حال ھوندا. |
| فى سِدرٍ مَخضودٍ (آيت : 28) |
|
لاسڙين ٻيرين ۾. |
| وَطَلحٍ مَنضودٍ (آيت : 29) |
|
۽ ڀريل ڦردار ڪيوڙن ۾. |
| وَظِلٍّ مَمدودٍ (آيت : 30) |
|
۽ ڊگھن پاڇن ۾. |
| وَماءٍ مَسكوبٍ (آيت : 31) |
|
۽ (ھيٺ) ڪرندڙ پاڻي ۾. |
| وَفٰكِهَةٍ كَثيرَةٍ (آيت : 32) |
|
۽ گھڻن ميون ۾. |
| لا مَقطوعَةٍ وَلا مَمنوعَةٍ (آيت : 33) |
|
نڪي کُٽندا ۽ نڪي (کائن) جھلبا. |
| وَفُرُشٍ مَرفوعَةٍ (آيت : 34) |
|
۽ اُچا وڇاڻا. |
| إِنّا أَنشَأنٰهُنَّ إِنشاءً (آيت : 35) |
|
بيشڪ اسان حورن کي ھڪ نموني تي پيدا ڪيو آھي. |
| فَجَعَلنٰهُنَّ أَبكارًا (آيت : 36) |
|
پوءِ کين ڪنواريون بڻايوسون. |
| عُرُبًا أَترابًا (آيت : 37) |
|
مڙسن کي وڻندڙ ھڪ جيڏيون. |
| لِأَصحٰبِ اليَمينِ (آيت : 38) |
|
سڄي پاسي وارن لاءِ. |
| ثُلَّةٌ مِنَ الأَوَّلينَ (آيت : 39) |
|
گھڻي جماعت پھرين مان آھي. |
| وَثُلَّةٌ مِنَ الءاخِرينَ (آيت : 40) |
|
۽ گھڻي جماعت پوين مان آھي. |
| وَأَصحٰبُ الشِّمالِ ما أَصحٰبُ الشِّمالِ (آيت : 41) |
|
۽ کٻي پاسي وارا، کٻي پاسي وارا ڪھڙا بدحال ھوندا. |
| فى سَمومٍ وَحَميمٍ (آيت : 42) |
|
ڪوسي جھولي ۽ تَتي پاڻيءَ ۾ ھوندا. |
| وَظِلٍّ مِن يَحمومٍ (آيت : 43) |
|
۽ ڪاري دونھين جي پاڇي ۾ ھوندا. |
| لا بارِدٍ وَلا كَريمٍ (آيت : 44) |
|
جو نڪي ٿڌو ھوندو ۽ نڪي سھائيندڙ. |
| إِنَّهُم كانوا قَبلَ ذٰلِكَ مُترَفينَ (آيت : 45) |
|
بيشڪ اُھي ھن کان اڳ (دُنيا ۾) سُک ۾ پيل ھوا. |
| وَكانوا يُصِرّونَ عَلَى الحِنثِ العَظيمِ (آيت : 46) |
|
۽ وڏي گناھ (شرڪ) تي ضد ڪندا ھوا. |
| وَكانوا يَقولونَ أَئِذا مِتنا وَكُنّا تُرابًا وَعِظٰمًا أَءِنّا لَمَبعوثونَ (آيت : 47) |
|
۽ چوندا ھوا ته، جڏھن مرنداسون ۽ مٽي ۽ ھڏا ٿينداسون (تڏھن) اسين وري (قبرن مان) اُٿاريا وينداسون ڇا؟ |
| أَوَءاباؤُنَا الأَوَّلونَ (آيت : 48) |
|
يا اسان جا پھريان پيءُ ڏاڏا. |
| قُل إِنَّ الأَوَّلينَ وَالءاخِرينَ (آيت : 49) |
|
(اي پيغمبر) چؤ ته بيشڪ اڳيان ۽ پويان. |
| لَمَجموعونَ إِلىٰ ميقٰتِ يَومٍ مَعلومٍ (آيت : 50) |
|
ھڪ مقرّر ڪيل ڏينھن جي وقت تي ضرور گڏ ڪيا ويندا. |
| ثُمَّ إِنَّكُم أَيُّهَا الضّالّونَ المُكَذِّبونَ (آيت : 51) |
|
وري بيشڪ اوھين اي گمراھو ڪوڙ ڀائيندڙؤ. |
| لَءاكِلونَ مِن شَجَرٍ مِن زَقّومٍ (آيت : 52) |
|
ضرور اوھين ٿوھر جي وڻ مان کائيندؤ. |
| فَمالِـٔونَ مِنهَا البُطونَ (آيت : 53) |
|
پوءِ منجھانئس پيٽن کي ڀريندؤ. |
| فَشٰرِبونَ عَلَيهِ مِنَ الحَميمِ (آيت : 54) |
|
پوءِ مٿانئس تَتل پاڻيءَ مان پيئندؤ. |
| فَشٰرِبونَ شُربَ الهيمِ (آيت : 55) |
|
پوءِ اُڃايل اُٺن جي پيئڻ وانگر پيئندؤ. |
| هٰذا نُزُلُهُم يَومَ الدّينِ (آيت : 56) |
|
قيامت جي ڏينھن اِھا سندن مھماني آھي. |
| نَحنُ خَلَقنٰكُم فَلَولا تُصَدِّقونَ (آيت : 57) |
|
اسان اوھان کي پيدا ڪيو پوءِ (وري جيارڻ کي) ڇونه سچ ڀائيندا آھيو. |
| أَفَرَءَيتُم ما تُمنونَ (آيت : 58) |
|
ڀلا ڏسو ته سھي ته جيڪا مني وجھندا آھيو. |
| ءَأَنتُم تَخلُقونَهُ أَم نَحنُ الخٰلِقونَ (آيت : 59) |
|
تنھن مان اوھين خلقيو ٿا ڇا؟ يا اسين خلقڻ وارا آھيون؟ |
| نَحنُ قَدَّرنا بَينَكُمُ المَوتَ وَما نَحنُ بِمَسبوقينَ (آيت : 60) |
|
اسان اوھان ۾ موت مقرّر ڪيو آھي ۽ اسين عاجز نه آھيون. |
| عَلىٰ أَن نُبَدِّلَ أَمثٰلَكُم وَنُنشِئَكُم فى ما لا تَعلَمونَ (آيت : 61) |
|
ته اوھان جھڙن کي مٽائي پيدا ڪريون ۽ اوھان کي اھڙي (شڪل) ۾ پيدا ڪريون جنھن کي ڄاڻندا ئي ئي نه ھجو. |
| وَلَقَد عَلِمتُمُ النَّشأَةَ الأولىٰ فَلَولا تَذَكَّرونَ (آيت : 62) |
|
۽ بيشڪ پھرين پيدائش ڄاڻي چڪؤ پوءِ ڇونه ٿا نصيحت وٺو؟ |
| أَفَرَءَيتُم ما تَحرُثونَ (آيت : 63) |
|
ڏسو ته سھي جيڪي اوھين پوکيندا آھيو. |
| ءَأَنتُم تَزرَعونَهُ أَم نَحنُ الزّٰرِعونَ (آيت : 64) |
|
سو اوھين ڄمائيندا آھيو ڇا يا اسين ڄمائيندا آھيون؟ |
| لَو نَشاءُ لَجَعَلنٰهُ حُطٰمًا فَظَلتُم تَفَكَّهونَ (آيت : 65) |
|
جيڪڏھن گھُرون ته اُن کي ناس ڪري ڇڏيون پوءِ اوھين حيرت ۾ رھجي وڃو. |
| إِنّا لَمُغرَمونَ (آيت : 66) |
|
(۽ پيا چئو) ته بيشڪ اسين ٽوٽي ۾ پئجي وياسون. |
| بَل نَحنُ مَحرومونَ (آيت : 67) |
|
بلڪ اسين بي نصيب آھيون. |
| أَفَرَءَيتُمُ الماءَ الَّذى تَشرَبونَ (آيت : 68) |
|
ڀلا ڏسو ته سھي جيڪو پاڻي پيئندا آھيو. |
| ءَأَنتُم أَنزَلتُموهُ مِنَ المُزنِ أَم نَحنُ المُنزِلونَ (آيت : 69) |
|
اُھو اوھين ڪڪرن مان ھيٺ لاھيندا آھيو ڇا يا اسين ھيٺ لاھيندا آھيون؟ |
| لَو نَشاءُ جَعَلنٰهُ أُجاجًا فَلَولا تَشكُرونَ (آيت : 70) |
|
جيڪڏھن گھُرون ته اُن کي کارو ڪري ڇڏيون پوءِ ڇونه شڪرانو ڪندا آھيو؟ |
| أَفَرَءَيتُمُ النّارَ الَّتى تورونَ (آيت : 71) |
|
ڀلا ڏسو ته سھي ته جا باھ ٻاريندا آھيو. |
| ءَأَنتُم أَنشَأتُم شَجَرَتَها أَم نَحنُ المُنشِـٔونَ (آيت : 72) |
|
تنھن جي وڻ کي اوھان پيدا ڪيو آھيو آھي ڇا؟ يا اسين پيدا ڪندڙ آھيون. |
| نَحنُ جَعَلنٰها تَذكِرَةً وَمَتٰعًا لِلمُقوينَ (آيت : 73) |
|
اسان اُن (وڻ) کي نصيحت وٺڻ لاءِ ۽ مسافرن جي فائدي لاءِ پيدا ڪيو آھي. |
| فَسَبِّح بِاسمِ رَبِّكَ العَظيمِ (آيت : 74) |
|
تنھنڪري پنھنجي وڏي پالڻھار جي نالي کي پاڪائي سان ياد ڪر. |
| فَلا أُقسِمُ بِمَوٰقِعِ النُّجومِ (آيت : 75) |
|
پوءِ تارن جي ڪِرڻ جي جاءِ جو قسم کڻان ٿو. |
| وَإِنَّهُ لَقَسَمٌ لَو تَعلَمونَ عَظيمٌ (آيت : 76) |
|
۽ جيڪڏھن ڄاڻو ته بيشڪ اُھو قسم وڏو آھي. |
| إِنَّهُ لَقُرءانٌ كَريمٌ (آيت : 77) |
|
بيشڪ اھو سڳورو قرآن آھي. |
| فى كِتٰبٍ مَكنونٍ (آيت : 78) |
|
لڪل ڪتاب ۾ لکيل آھي. |
| لا يَمَسُّهُ إِلَّا المُطَهَّرونَ (آيت : 79) |
|
پاڪائيءَ وارن کانسواءِ ٻيو ڪو اُن کي ھٿ نه لائيندو آھي. |
| تَنزيلٌ مِن رَبِّ العٰلَمينَ (آيت : 80) |
|
جھانن جي پالڻھار وٽان نازل ڪيل آھي. |
| أَفَبِهٰذَا الحَديثِ أَنتُم مُدهِنونَ (آيت : 81) |
|
پوءِ اوھين ھن ڳالھ (جي مڃڻ) ۾ سُستي ڪرڻ وارا آھيو ڇا. |
| وَتَجعَلونَ رِزقَكُم أَنَّكُم تُكَذِّبونَ (آيت : 82) |
|
۽ اُن کي ڪوڙ ڀانئين پنھنجو حصّو ڪريو ٿا. |
| فَلَولا إِذا بَلَغَتِ الحُلقومَ (آيت : 83) |
|
پوءِ جنھن مھل (ڪنھنجو) ساھ نر گھٽ وٽ پھچي. |
| وَأَنتُم حينَئِذٍ تَنظُرونَ (آيت : 84) |
|
۽ اوھين انھيءَ مھل پيا ٿا ڏسو. |
| وَنَحنُ أَقرَبُ إِلَيهِ مِنكُم وَلٰكِن لا تُبصِرونَ (آيت : 85) |
|
۽ اسين اوھان جي به نسبت اُن ڏانھن تمام ويجھا آھيون پر اوھين نه ڏسندا آھيو. |
| فَلَولا إِن كُنتُم غَيرَ مَدينينَ (آيت : 86) |
|
پوءِ جيڪڏھن (اوھين خدا جي حُڪم ۾) لاچار ٿيل نه آھيو. |
| تَرجِعونَها إِن كُنتُم صٰدِقينَ (آيت : 87) |
|
ته جيڪڏھن سچا آھيو ته روح کي ڇو نه موٽايو. |
| فَأَمّا إِن كانَ مِنَ المُقَرَّبينَ (آيت : 88) |
|
پوءِ جيڪڏھن (مئل الله جي) ويجھن ٻانھن مان ھوندو. |
| فَرَوحٌ وَرَيحانٌ وَجَنَّتُ نَعيمٍ (آيت : 89) |
|
ته اُن لاءِ خوشي ۽ سُرھاڻ ۽ نعمت وارو باغ آھي. |
| وَأَمّا إِن كانَ مِن أَصحٰبِ اليَمينِ (آيت : 90) |
|
۽ جيڪڏھن سڄي پاسي وارن مان ھوندو. |
| فَسَلٰمٌ لَكَ مِن أَصحٰبِ اليَمينِ (آيت : 91) |
|
ته سڄي پاسي وارن مان توکي سلامتي آھي. |
| وَأَمّا إِن كانَ مِنَ المُكَذِّبينَ الضّالّينَ (آيت : 92) |
|
پر جيڪڏھن اُھو ڪُوڙ ڀانئيندڙن گمراھن مان ھوندو. |
| فَنُزُلٌ مِن حَميمٍ (آيت : 93) |
|
ته (اُن لاءِ) تَتل پاڻي مھماني. |
| وَتَصلِيَةُ جَحيمٍ (آيت : 94) |
|
۽ دوزخ ۾ گھيڙڻ آھي. |
| إِنَّ هٰذا لَهُوَ حَقُّ اليَقينِ (آيت : 95) |
|
بيشڪ ھي خبر پوري يقيني آھي. |
| فَسَبِّح بِاسمِ رَبِّكَ العَظيمِ (آيت : 96) |
|
تنھنڪري پنھنجي پالڻھار وڏي جي نالي کي پاڪائيءَ سان ياد ڪر. |