سنڌسلامت پيغامِ قرآن - الۡحِجۡرِ

15:1

الۗرٰ ۣ تِلْكَ اٰيٰتُ الْكِتٰبِ وَقُرْاٰنٍ مُّبِيْنٍ 1‏۝

الف لام را (حقيقي معنيٰ الله ۽ ان جو رسول صلي الله عليه وآلہٖ وسلم ئي بهتر ڄاڻن ٿا)، هي (پسنديده) ڪتاب ۽ روشن قرآن جون آيتون آهن.

— مولانا طاھر القادري

15:2

رُبَمَا يَوَدُّ الَّذِيْنَ كَفَرُوْا لَوْ كَانُوْا مُسْلِمِيْنَ 2‏۝

ڪافر (آخرت ۾ مومنن تي الله جي رحمت جا منظر ڏسي) بار بار تمنا ڪندا ته ڪاش! اهي مسلمان هجن ها.

— مولانا طاھر القادري

15:3

ذَرْهُمْ يَاْكُلُوْا وَيَتَمَتَّعُوْا وَيُلْهِهِمُ الْاَمَلُ فَسَوْفَ يَعْلَمُوْنَ 3‏۝

توهان (غمگين نه ٿيو) انهن کي ڇڏي ڏيو اُهي کائيندا (پيئندا) رهن ۽ عيش ڪندا رهن ۽ (انهن جون) ڪوڙيون اميدون انهن کي (آخرت کان) غافل رکن پوءِ اُهي عنقريب (پنهنجو انجام) ڄاڻي وٺندا.

— مولانا طاھر القادري

15:4

وَمَآ اَهْلَكْنَا مِنْ قَرْيَةٍ اِلَّا وَلَهَا كِتَابٌ مَّعْلُوْمٌ 4‏۝

۽ اسان ڪوبه ڳوٺ تباهه نه ڪيو مگر هي ته ان جي لاءِ هڪ معلوم (قانوني) لکت هئي (جنهن جي انهن خلاف ورزي ڪئي ۽ پنهنجي انجام کي وڃي پهتا).

— مولانا طاھر القادري

15:5

مَا تَسْبِقُ مِنْ اُمَّةٍ اَجَلَهَا وَمَا يَسْتَاْخِرُوْنَ 5‏۝

ڪابه قوم (ترقي ۽ زوال جي قانون جي) پنهنجي مقرر ٿيل مدي کان نه اڳتي وڌي سگهي ٿي ۽ نه پٺتي هٽي سگهي ٿي.

— مولانا طاھر القادري

15:6

وَقَالُوْا يٰٓاَيُّھَا الَّذِيْ نُزِّلَ عَلَيْهِ الذِّكْرُ اِنَّكَ لَمَجْنُوْنٌ 6‏۝ۭ

۽ (ڪافر گستاخي ڪندي) چون ٿا: اي شخص جنهن تي قرآن لاٿو ويو بيشڪ تون ديوانو آهين.

— مولانا طاھر القادري

15:7

لَوْ مَا تَاْتِيْنَا بِالْمَلٰۗىِٕكَةِ اِنْ كُنْتَ مِنَ الصّٰدِقِيْنَ 7‏۝

تون اسان وٽ ملائڪن کي ڇو نٿو آڻين جيڪڏهن تون سچو آهين؟

— مولانا طاھر القادري

15:8

مَا نُنَزِّلُ الْمَلٰۗىِٕكَةَ اِلَّا بِالْـحَقِّ وَمَا كَانُوْٓا اِذًا مُّنْظَرِيْنَ 8‏۝

اسان ملائڪن کي نٿا لاهيون مگر حق (جي فيصلي) سان گڏ (يعني جڏهن عذاب جي گهڙي اچي پهچي ته ان کي نافذ ڪرڻ جي لاءِ لاهيون ٿا) ۽ ان وقت انهن کي مهلت نٿي ڏني وڃي.

— مولانا طاھر القادري

15:9

اِنَّا نَـحْنُ نَزَّلْنَا الذِّكْرَ وَاِنَّا لَهٗ لَحٰفِظُوْنَ 9‏۝

بيشڪ هي عظيم ذڪر (قرآن) اسان ئي نازل ڪيو آهي ۽ يقيناً اسان ئي ان جي حفاظت ڪنداسين.

— مولانا طاھر القادري