سنڌسلامت پيغامِ قرآن - نُوۡحٍ - محمد عثمان ڏيپلائي

71:1

اِنَّآ اَرْسَلْنَا نُوْحًا اِلٰى قَوْمِهٖٓ اَنْ اَنْذِرْ قَوْمَكَ مِنْ قَبْلِ اَنْ يَّاْتِيَهُمْ عَذَابٌ اَلِيْمٌ 1‏۝

بيشڪ اسان نوح کي سندس قوم ڏي موڪليو، ته سندءِ قوم کي ڊيڄار، انهي کان اڳ، جو وٽن ڏکوئيندڙ عذاب پهچي.

— محمد عثمان ڏيپلائي

71:2

قَالَ يٰقَوْمِ اِنِّىْ لَكُمْ نَذِيْرٌ مُّبِيْنٌ 2‏۝ۙ

چيائين ”اي منهنجي قوم! بيشڪ آءُ اوهان لاءِ پڌرو ڊيڄاريندڙ آهيان.

— محمد عثمان ڏيپلائي

71:3

اَنِ اعْبُدُوا اللّٰهَ وَاتَّقُوْهُ وَاَطِيْعُوْنِ 3‏۝ۙ

ته الله جي عبادت ڪريو ۽ ان کان ڊڄو ۽ منهنجو چوڻ مڃو،

— محمد عثمان ڏيپلائي

71:4

يَغْفِرْ لَكُمْ مِّنْ ذُنُوْبِكُمْ وَيُؤَخِّرْكُمْ اِلٰٓى اَجَلٍ مُّسَمًّى ۭ اِنَّ اَجَلَ اللّٰهِ اِذَا جَاۗءَ لَا يُؤَخَّرُ ۘ لَوْ كُنْتُمْ تَعْلَمُوْنَ 4‏۝

ته هو اوهان جا گناهه بخشي ۽ اوهان کي مقرر وقت تائين ڍر ڏئي- بيشڪ جڏهن الله جو مقرر ڪيل وقت ايندو، تڏهن ان کي ڍر ڪا نه ڏبي- جيڪڏهن اوهين ڄاڻندا آهيو.“

— محمد عثمان ڏيپلائي

71:5

قَالَ رَبِّ اِنِّىْ دَعَوْتُ قَوْمِيْ لَيْلًا وَّنَهَارًا 5‏۝ۙ

نوح چيو ته ”اي منهنجا ڌڻي! بيشڪ آءُ پنهنجي قوم کي رات ڏينهن سڏيندو رهيس،

— محمد عثمان ڏيپلائي

71:6

فَلَمْ يَزِدْهُمْ دُعَاۗءِيْٓ اِلَّا فِرَارًا 6‏۝

پر اهي ته منهنجي سڏڻ کان گهڻو ڀڄندا ئي رهيا.

— محمد عثمان ڏيپلائي

71:7

وَاِنِّىْ كُلَّمَا دَعَوْتُهُمْ لِتَغْفِرَ لَهُمْ جَعَلُوْٓا اَصَابِعَهُمْ فِيْٓ اٰذَانِهِمْ وَاسْتَغْشَوْا ثِيَابَهُمْ وَاَصَرُّوْا وَاسْتَكْبَرُوا اسْتِكْبَارًا 7‏۝ۚ

۽ مون جڏهن به هنن کي سڏيو ٿي، ته تون کين بخش ڪرين، ته هنن سندن آڱريون ڪَنن ۾ ٿي وڌيون، پاڻ تي ڪپڙا کڻي ٿي وڌائون ۽ ڪفر تي ضد ٿي ٻَڌائون ۽ تمام گهڻو هٺ ٿي ڪيائون.

— محمد عثمان ڏيپلائي

71:8

ثُـمَّ اِنِّىْ دَعَوْتُهُمْ جِهَارًا 8‏۝ۙ

ته به وري مون هنن کي سڏيو.

— محمد عثمان ڏيپلائي

71:9

ثُـمَّ اِنِّىْٓ اَعْلَنْتُ لَهُمْ وَاَسْرَرْتُ لَهُمْ اِسْرَارًا 9‏۝ۙ

وري کين پڌرو خواهه ڳجهيءَ طرح چيو،

— محمد عثمان ڏيپلائي