037 surah
ھي سورة مَکِّیَّۃٌ آھي . ھِن ۾ 182 آيتون ۽ 5 رڪوع آھن
البُرھان
مُترجم: محمد عثمان ڏيپلائي
وَالصّــٰۗفّٰتِ صَفًّا 1ۙ
شاهد آهن، صفون ٻڌي بيهندڙ ملائڪ.
— محمد عثمان ڏيپلائيفَالزّٰجِرٰتِ زَجْرًا 2ۙ
پوءِ جهڻڪ ڏيئي ڌمڪائيندڙ ملائڪ.
— محمد عثمان ڏيپلائيفَالتّٰلِيٰتِ ذِكْرًا 3ۙ
۽ قرآن پڙهندڙ جماعت.
— محمد عثمان ڏيپلائياِنَّ اِلٰهَكُمْ لَوَاحِدٌ 4ۭ
ته اوهان جو سائين فقط هڪڙو آهي.
— محمد عثمان ڏيپلائيرَبُّ السَّمٰوٰتِ وَالْاَرْضِ وَمَا بَيْنَهُمَا وَرَبُّ الْمَشَارِقِ 5ۭ
جو آسمانن ۽ زمين ۽ جيڪي به سندن وچ ۾ آهي، ان جو ڌڻي آهي ۽ اڀرڻ وارن طرفن جو ڌڻي آهي.
— محمد عثمان ڏيپلائياِنَّا زَيَّنَّا السَّمَاۗءَ الدُّنْيَا بِزِيْنَةِ ۨالْكَـوَاكِبِ 6ۙ
بيشڪ اسان دنيا جي آسمان کي تارن سان سينگاريو.
— محمد عثمان ڏيپلائيوَحِفْظًا مِّنْ كُلِّ شَيْطٰنٍ مَّارِدٍ 7ۚ
۽ سڀني سرڪش شيطانن کان ان جي سنڀال ڪئي سون.
— محمد عثمان ڏيپلائيلَا يَسَّمَّعُوْنَ اِلَى الْمَلَاِ الْاَعْلٰي وَيُقْذَفُوْنَ مِنْ كُلِّ جَانِبٍ ڰ 8
ته شيطان مٿاهين جهان ڏي ڪَنَ نه ڏين_ ۽ سندن مٿان هر طرف کان اماڙيون اڇلبيون آهن.
— محمد عثمان ڏيپلائيدُحُوْرًا وَّلَهُمْ عَذَابٌ وَّاصِبٌ 9ۙ
تڙڻ لاءِ، ۽ انهن لاءِ هميشه جوعذاب آهي.
— محمد عثمان ڏيپلائياِلَّا مَنْ خَطِفَ الْخَــطْفَةَ فَاَتْــبَعَهٗ شِهَابٌ ثَاقِبٌ 10
مگر جيڪو ڳالهه کي جهٽي ويو، ته سندن پٺيان ٻرندڙ اماڙي پوندي آهي.
— محمد عثمان ڏيپلائيفَاسْتَفْتِهِمْ اَهُمْ اَشَدُّ خَلْقًا اَمْ مَّنْ خَلَقْنَا ۭ اِنَّا خَلَقْنٰهُمْ مِّنْ طِيْنٍ لَّازِبٍ 11
پوءِ کانئن پڇ، ته ”ڀلا هنن جو پيدا ڪرڻ تمام ڏکيو آهي، يا ٻيو جيڪي اسان خلقيو آهي سو؟“ اسان هنن کي چيڪيءَ مٽيءَ مان خلقيو.
— محمد عثمان ڏيپلائيبَلْ عَـجِبْتَ وَيَسْخَرُوْنَ ۠12
بلڪ عجب لڳيئي، ۽ هو مسخريون ٿا ڪن.
— محمد عثمان ڏيپلائيوَاِذَا ذُكِّرُوْا لَا يَذْكُرُوْنَ ۠13
۽ جڏهن سمجهائبو اٿن ته نه سمجهندا آهن.
— محمد عثمان ڏيپلائيوَاِذَا رَاَوْا اٰيَةً يَّسْتَسْخِرُوْنَ ۠14
۽ جڏهن ڪا نشاني ڏسندا آهن ته مسخريون ڪندا آهن.
— محمد عثمان ڏيپلائيوَقَالُوْٓا اِنْ ھٰذَآ اِلَّا سِـحْرٌ مُّبِيْنٌ ښ 15
۽ چوندا آهن ته ”هيءُ صفا جادو آهي.
— محمد عثمان ڏيپلائيءَاِذَا مِتْنَا وَكُنَّا تُرَابًا وَّعِظَامًا ءَاِنَّا لَمَبْعُوْثُوْنَ ۙ16
ڇا، جڏهن اسين مرنداسون ۽ مٽي ۽ هڏا ٿينداسون، تڏهن وري اٿارباسون؟
— محمد عثمان ڏيپلائياَوَاٰبَاۗؤُنَا الْاَوَّلُوْنَ ۭ17
۽ پڻ اسان جا اڳيان وڏا به؟“
— محمد عثمان ڏيپلائيقُلْ نَعَمْ وَاَنْتُمْ دَاخِرُوْنَ ۚ18
چئو ته ”هائو! ۽ اوهين خوار به هوندؤ!“
— محمد عثمان ڏيپلائيفَاِنَّـمَا هِىَ زَجْرَةٌ وَّاحِدَةٌ فَاِذَا هُمْ يَنْظُرُوْنَ 19
پوءِ اهو رڳو هڪ سخت جهڻڪار هوندي، ته يڪدم هو ڏسڻ لڳندا؛
— محمد عثمان ڏيپلائيوَقَالُوْا يٰوَيْلَنَا ھٰذَا يَوْمُ الدِّيْنِ 20
۽ چوندا ”هاءِ افسوس! اسان جي حال تي، هيءُ ته بدلي وٺڻ جو ڏينهن آهي!“
— محمد عثمان ڏيپلائي