قسم آهي ڇڪي ساهه ڪنڍڙن جو ٽٻي هڻي .

انهن (ملائڪن) جو قسم آهي جي سختيءَ سان ڇڪيو ڪڍن ٿا.

قسم آهي (ڪافرن جو ساهه) سختيءَ سان ڪڍندڙ (فرشتن) جو .

۽ قسم آهي نرميءَ سان کوليندڙن جو آسانيءَ سان .

۽ انهنجو آسانيءَ سان ڇڪيو ڪڍن ٿا.

جيڪي (مؤمنن جو) آرام سان ساهه ڪڍن ٿا.

۽قسم آهي ترندڙن جو تيزيءَ سان .

۽ انهن جو جي (هوا ۾ ) ترن ٿا

هو (الله تعالى جي حڪم سان ڪائنات ۾) تيزيءَ سان ڦرندا رهن ٿا.

پوءِ اڳرائي ڪندڙن جو اڳرائي ڪرڻ .

پوءِ (هڪ ٻئي کان) اڳي وڌن ٿا

ذميدارين کي پورو ڪرڻ لاءِ هڪ ٻئي کان اڳتي وڌڻ جي ڪوشش ۾ لڳل هوندا آهن.

پوءِ تدبير ڪندڙن جو امر کي .

پوءِ ڪنهن ڪم جي تدبير ڪن ٿا (ته قيامت ضرور ٿيندي)

(الله تعالى جي حڪم مطابق) ڪائنات جو سمورو نظام هلائين ٿا.

جنهن ڏينهن ڌٻندي ڌٻندڙ .

جنهن ڏينهن ڌڏڻ وري ڌڏندي

جنھن ڏينھن زمين زور سان ڌُڏندي.

پٺيان لڳندو ان کي ٻيو ڌٻڻ .

هن حالت ۾ جو پٺيان اچڻ واري ان جي پٺيان ايندي.

وري ان کان پوءِ ٻيھر لوڏا کائيندي.

دليون ان ڏينهن ڪنبدڙ هونديون .

ڪيتريون ئي دليون تنهن ڏينهن ڏڪڻ واريون هونديون.

ان ڏينھن ڪيتريون ئي دليون خوف کان ڏڪي وينديون.

اکيون انهن جون جهڪيل هونديون .

(خواري کان) سندن اکيون هيٺ ٿينديون

انهن جون اکيون ڪومائجي (يعني جهڪيل ٿي) وينديون.

چوندا ڇا بيشڪ اسان البته موٽايل آهيون پهرين حالت ۾ .

چون ٿا ته ڇا اسين پهرين حالت ڏي موٽايا وينداسون؟

(ڪافر) چون ٿا ته ڇا اسان کي (ٻيهر جيئرو ڪري) ساڳي حالت ۾ موٽايو ويندو؟

ڇا جڏهن هونداسون هڏا پراڻا .

ڇا جڏهن اسين ڳريل هڏيون ٿينداسون؟

جڏهن اسان ڳريل سڙيل هڏا ٿي وينداسين (پوءِ به موٽايو ويندو)

چون ٿا ته اهو ان وقت موٽڻ خساري وارو آهي .

چون ٿا ته اهو (مرڻ کانپوءِ جيئرو ٿيڻ) تڏهن ته نقصان وارو موٽڻ آهي (نه مشڪل سمجهو ان کي)

وڌيڪ چون ٿا ته اها واپسي ته ڏاڍي نقصان واري چئبي.

پوءِ اها ته صرف جهڻڪ هڪڙي آهي .

ڇو ته اهو (واقعو) رڳو هڪڙي سخت هڪل آهي

بيشڪ اُها ته هڪ رَڙِ هوندي.

پوءِ ان وقت اهي ميدان ۾ هوندا .

پوءِ اهي اتي ئي زمين جي پڌري پٽ تي اچي پوندا.

(جنهن جي نتيجي ۾) سڀ اُتي جو اُتي کليل ميدان ۾موجود هوندا.

ڇا تو وٽ موسى جي خبر آئي؟ .

(اي پيغمبرﷺ!) ڇا توکي موسيٰ جي ڳالهه پهتي آهي؟

ڇا توهان وٽ موسى ($) جو واقعو پھتو آهي؟

جڏهن سڏيو ان کي ان جي رب پاڪ وادي طوى وٽ .

جڏهن ان کي سندس پاليندٰڙ پاڪ نئي ۾ سڏيو

جڏهن سندس پالڻھار کيس طوى جي پاڪ واديءَ ۾ سڏيو.

وڃ فرعون ڏانهن بيشڪ اهو سرڪش بڻيو .

ته تون فرعون ڏي وڃ ڇو ته هو حد کان لنگهي ويو آهي.

(۽ کيس حڪم ڪيو ته) فرعون ڏي وڃ. بيشڪ هو بغاوت تي لهي آيو آهي.

پوءِ فرماءِ ته ڇا تنهنجي رغبت آهي هن ڏانهن جو پاڪ صاف ٿين .

پوءِ ان کي چئو ته ڇا توکي پاڪ ٿيڻ جي ڪا رغبت آهي

کيس چؤ ته: ڇا تون سڌرڻ جو ارادو رکين ٿو؟

۽ هدايت ڏيان مان توکي تنهنجي رب ڏانهن پوءِ ڊڄين .

۽ هيءَ به (رغبت آهي) ته آءُ توکي تنهنجي پاليندڙ جو رستو ڏيکاريان ته ان کان ڊڄين.

۽ مان تنھنجي پالڻھار ڏي تنهنجي رهنمائي ڪرڻ لاءِ تيار آهيان ته جيئن تنھنجي اندر (ان جو) خوف پيدا ٿئي.

پوءِ ڏيکاريائين ان کي معجزو وڏو .

پوءِ ان کي وڏي نشاني ڏيکاريائين

(اطمينان ڏيارڻ خاطر) پوءِ موسى ($) کيس وڏيون نشانيون ڏيکاريون.